Que
é un edublog?
Os edublog son blogs especializados cun obxectivo
educativo. Son páxinas virtuales xestionadas por un ou varios autores nas que
cada xestor ten a posibilidade de adxuntar información desexada, enlaces e
recursos que faciliten a práctica docente e o desenvolvemento das aprendizaxes
dunha materia . Ademais, permiten a interacción co alumnado e a participación
do mesmo na mellora dos procesos de ensinanza-aprendizaxe. Trátanse de
ferramentas do ámbito das TIC cunha finalidade de apoio aos procedementos
educativos sen limitar a acción ao interior da aula.
As súas características son sinxelas e prácticas:
1.
Facilidade
de uso.
2.
Contido
hipertextual e multimedia.
3.
Orgaanización
cornolóxica e temática.
4.
Sindicación
de contidos mediante RSS.
5.
Permiten
pensar, escribir, compartir e participar.
6.
Ampliación
das súas funcionalidades (widgets).
Este tipo de weblogs resultan moi útiles, como xa
mencionei, como fonte de apoio para o traballo da materia, pero non son
prácticos se tratamos de utilizalos como método único. Para obter resultados
positivos, a práctica debe combinarse coa utilización de diversas ferramentas,
recursos e métodos.
Entre as funcións dos blogs educativos atopamos:
- Ofrecer
unha fácil accesibilidade a apuntes, tarefas, lecturas, recursos teóricos e
prácticos, etc.
- Establecer
aclaracións, comentarios e ampliacións da materia.
- Permitir
a exposición de ideas e opinións.
- Permitir
o intercambio común de información.
- Facilitar
a participación do alumnado na práctica educativa tanto de forma individual
como grupal.
- Favorecer
a colaboración de alumnado e profesorado para crea un produto final conxunto: o
coñecemento da materia.
- Ofrecer
métodos máis interactivos e prácticos para a aprendizaxe.
Ferramentas
ou programas para a creación dun blog
Atopámonos
ante tres posibilidades diferenciadas á hora de escoller as ferramentas para a
creación dun blog.
1)
Se
traballamos cun servidor propio cun total control sobre as aplicacións podemos
utilizar wordpress, flashblog, B2Evolutio, etc.
2)
Se
traballamos nun sistema cerrado gratuíto, as opcións son blogger, wordpress.org
(diferente uso que wordpress), Tumblr, Live Journal, Blogia, etc.
3)
Se
traballamos cun blog integrado nunha plataforma e-learning, podemos utilizar
Moodle ou Blackboard.
Usos
dun blog nunha pedagoxía constructuvista
O constructivismo afirma que o coñecemento non se
adquire. Este constrúese a partir de esquemas de información previos integrados
no sistema cognitivo de cada individuo e orixínase na necesidade das
necesidades xurdidas. Aprendemos dos erros e da obligación de resolvelos. Modificamos
o que cremos coñecer en función dos resultados que obtemos destes coñecementos
previos e creamos uns novos.
Ademais, a formación non é un proceso estancado, senón
que flúe no tempo e necesita de mantemento.
Tíscar Lara
afirma: “En el nuevo paradigma educativo es necesario “aprender a aprender”,
puesto que la formación no se ciñe a un espacio y tiempo determinado, sino que
exige mantener cierta capacidad de aprendizaje a lo largo de toda la vida
(long-life learning).”
Desta explicación, enténdese a importancia de aprender a
aprender que xorde desta pedagoxía.
Utilidades dos
edublog nunha pedagoxía cosntructivista :
- Medio
de comunicación entre profesorado e alumnado sobre temas da materia común. (Non
se utilizaría como unha ferramenta para solucionar problemas ou incidencias
individuais, senón para informar de novidades, cambios ou erros na información
que se pon en común e para ofrecer novas ideas, opinións, conclusións e
posibilidades que resulten útiles para o conxunto da aula, tanto alumnado como
profesorado)
- Plataforma
para compartir os novos coñecementos individuais ou dúbidas xurdidas que poden
afectar á información e proceso educativo común.
- Método
para crear conxunta e colaborativamente a información (textual, multimedia,
práctica, etc,) final, que construirá un coñecemento común.
- Ferramenta
de adquisición de coñecementos e habilidades multidisciplinares:
-
Coñecementos
sobre a materia.
-
Habilidades
para a busca de e selección de información.
-
Capacidade
de reflexión e redacción.
-
Capacidade
para valorar de forma obxectiva o traballo propio e douta/os.
Usos dos edublog nunha clase de E. Infantil:
Resulta obvio que tratándose de Educación Infantil, é
imposible pedirlle á/os alumna/os que xestionen un blog propio ou que
participen activamente de forma individual nun blog conxunto. Non obstante,
podemos adaptar a tarefa a este ciclo.
Algúnhas solucións de adaptación e utilidades dentro da
Educación Infantil:
- O edublog da aula estaría xestionado pola/o
mestra/e pero a información sería seleccionada, e comentada na aula coa
colaboración co alumnado para traballar as habilidades mencionadas con
anterioridade de busca e selección de información.
- Tamén
se introduce deste xeito o uso das TIC e os recursos informáticos dentro da
aula.
- Mediante
as reunións de reflexión sobre a información, comezarán a adquirir a capacidade
de valorar distintas opinións e posibilidades así como a respectar as quendas
de fala e a posibilidade de non coincidir entre as diferentes opinións xurdidas.
- traballo
fora da aula non pode ser realizado pola/os nena/os individualmente, pero aquí
ábresenos outra posibilidade con moita importancia na etapa da E. Infantil: A
participación das familias. As familias poden realizar a mesma acción que se
leva a cabo dentro da aula por parte da/o profesor/a no fogar, buscando e
comentando información cos pequenos e compartíndoa no blog.
- O blog
tamén pode servir para que os proxenitores ou familiares compartan novas ideas
e opinións ou resolvan dúbidas sobre as prácticas da aula con respecto a este
exercicio.
